«Астана-Финанс» АҚ Басқармасының құрамында өзгерістер болды

2010 жылғы 5 мамырда «Астана-Финанс» АҚ (бұдан әрі – «Компания») Директорлар кеңесінің отырысы болып өтті, мұнда «Астана-Финанс» АҚ Басқармасының жаңа құрамы бекітілді. Директорлар кеңесі отырысының барысында «Астана-Финанс» АҚ Басқармасының 3 адамнан тұратын жаңа құрамы бекітілді:

• «Астана-финанс» АҚ-ның Басқарма төрағасы болып Ерлан Шәкібаев;

• «Астана-финанс» АҚ Басқарма төрағасының орынбасары болып Ерлан Манатаев;

• Басқарушы директор - Басқарма мүшесі болып Алмас Омарханов сайланды.

Сонымен бірге «Астана-финанс» АҚ Басқарма төрағасының орынбасары - Басқарма мүшесі Нұртаза Байтеновтың және «Астана-финанс» АҚ Басқарма төрағасының орынбасары - Басқарма мүшесі Азамат Такеновтың өкілеттіктері мерзімінен бұрын тоқтатылды.

«Компания Басқармасының жаңа құрамына қаржы саласында басқару тәжірибелері мол адамдар кірді, және осы тәжірибелері Астана-Финанстың дамуына жаңа қарқын береді деп күтеміз», - деді «Астана-финанс» АҚ Директорлар кеңесінің төрағасы Кинталь Исламов жаңа тағайындауларға түсіндірмесін бергенде.

Акционерлер басқарманың жаңа құрамы кредиторларды да, Компания акционерлерін де бірдей қаңағаттандыратын оңтайлы шешімдерді тауып, қайта құрылымдау саласындағы жұмысты ойдағыдай жалғастыратынына сенімді.

updated 07.05.2010

Принтерден шығару