«Астана-финанс» АҚ 2007 жылдың қорытыныдылары бойынша «Жетекші қаржы кеңесшісі» номинациясында жеңімпаз

«Қазақстан қор биржасы» АҚ акционерлерінің 2008 жылғы 26 маусымдағы жылдық жалпы жиналысында Астана Финанс Компаниясы 2007 жылдың қорытыныдылары бойынша Биржаның ең үздік мүшелерінің арасындағы «Жетекші қаржы кеңесшісі» номинациясында жеңімпаз атанды.

Биржа мүшелерін жыл сайынғы көтермелеу рәсімі «Қазақстан қор биржасы» АҚ-ның 2003 жылғы №17/1 Ережелеріне сәйкес, аяқталған күнтізбелік жылдың нәтижелері бойынша, алты номинация бойынша жүргізіледі.

«Жетекші қаржы кеңесшісі» номинациясында жеңімпазды анықтау мына көрсеткіштерге сүйеніп, сараптау арқылы жыл сайын жүргізіледі:

 инвестициялық меморандумдарын қаржы кеңесшілері ретінде Биржа мүшелері дайындаған, Биржаның ресми тізіміне енгізілген бағалы қағаздар шығарылымдарының саны;

 қаржы кеңесшілері ретінде Биржа мүшелері дайындаған инвестициялық меморандумдардың сапасы;

 бағалы қағаздар шығарылымдарының көлемдері.

Номинация Компанияға бірінші рет берілді және компания ұсынған қызметтердің жоғары сапасын растайды. 2007 жылы «Астана-финанс» АҚ бес өндірістік компанияның шығарылымдарының жалпы көлемі 10,7 млрд. теңгені құрайтын қаржы аспаптарын шығару, Қазақстан қор биржасының ресми тізіміне енгізу және орналастыру бойынша қаржы кеңесшісі болып әрекет етті, сонымен бірге Компания жалпы сомасы 56 млрд. теңгені құрайтын өзінің меншікті бағалы қағаздарының үш шығарылымын листингіге енгізді.

updated 01.07.2008

Принтерден шығару